Деректерді қашықтықтан бере отырып, ыстық суды есепке алу аспаптарын енгізу туралы ақпарат
Құрметті «ҚЖЭК» МКК тұтынушылары
Қазақстан Республикасының 09.04.2025 жылғы № 178-VIII ҚРЗ Су кодексінің 107-бабының 4-тармағына сәйкес «Судың коммерциялық есебін ұйымдастыру үшін көппәтерлі тұрғын үйлерді (Тұрғын ғимараттарды) және өзге де объектілерді салу, реконструкциялау, техникалық қайта жарақтандыру, жаңғырту, күрделі жөндеу жобаларында жалпыүйлік және жеке (пәтерлі) есепке алу аспаптарын міндетті түрде орнату көзделеді жоғары метрологиялық класы бар сулар: суық су үшін R динамикалық сипаттамасы 100-ден төмен емес және ыстық су үшін R динамикалық сипаттамасы 50-ден төмен емес (B метрологиялық класы), сезімталдық шегі ең төменгі ағынның жартысынан аспайтын және деректерді қашықтықтан беру.
Бұл талап жұмыс істемейтін немесе суды есепке алу аспаптарын пайдалану мерзімі өткен жағдайларға қолданылады».
«Қостанай жылу энергетикалық компаниясы» МКК 01.07.2026 жылдан бастап деректерді қашықтықтан бере отырып, ыстық суды есепке алу аспаптарын пайдалануға қабылдайды.
Ыстық суды есепке алу аспаптарын сатып алу, орнату және пайдалану Қазақстан Республикасы Өнеркәсіп және құрылыс министрінің 08.08.2025 жылғы № 295 бұйрығымен бекітілген «Елді мекендерді сумен жабдықтау және су бұру жүйелеріндегі суды есепке алу аспаптары мен жүйелерін таңдау, монтаждау және пайдалану қағидаларына» сәйкес болуға тиіс:
– ыстық суды есепке алу аспаптары Қазақстан Республикасының өлшем бірлігін қамтамасыз етудің мемлекеттік жүйесінің тізіліміне енгізілуі, тексерілуі және тексеру мөрі болуы тиіс;
– жобалауды, бөлшектеуді, монтаждауды (бастапқы және кейінгі орнатуды), іске қосу-баптау жұмыстарын және пайдалануға беруді қоса алғанда, ыстық суды есепке алу тораптарын жабдықтау жөніндегі жұмыстарды «Рұқсаттар және хабарламалар туралы» ҚР Заңына сәйкес тиісті рұқсаттары бар ұйымдар орындайды;
– ыстық су есептегіштерінен деректерді қашықтықтан беру NB-IоT технологиясының көмегімен жүзеге асырылуы керек;
– ыстық суды есепке алу аспабын сатып алған кезде су тұтынушы өндірушімен және (немесе) оның ресми өкілімен техникалық құжаттамаға (төлқұжатқа) сәйкес пайдалану уақытына ыстық суды есепке алу аспабына техникалық қызмет көрсетуге шарт жасасады.
